Առաջին քայլը ՌԴ հայ համայնքի հետ աշխատանքն է լինելու. Սինանյան

Սփյուռքի գործերի գլխավոր հանձնակատար Զարեհ Սինանյանի առաջին քայլը լինելու է Ռուսաստանի հայ համայնքի հետ աշխատանքը: Նա արդեն կազմել է իր ղեկավարած կառույցի ռազմավարական ծրագիրը: Այս մասին Սփյուռքի հարցերով գլխավոր հանձնակատարը հայտնեց լրագրողների հետ հանդիպման ժամանակ:

 «Այն ամենամեծն է, աշխարհագրական առումով` ամենասփռվածը: Այն հոգեբանորեն և ֆիզիկապես ամենաշատ կապն ունի Հայաստանի հետ: Ճիշտ և լավ աշխատանքի դեպքում նրանք ոչ միայն ամենամեծ պոտենցիալն են ՀՀ-ի համար, այլև շատ այլ դիվիդենդներ Հայաստանը կարող է ստանալ, մենք էլ նրանց կարող ենք օգնել»,- բացատրեց Սինյանյանը:

Ինչ վերաբերում է ԱՄՆ հայ համայնքի հետ աշխատանքներին, նա ընդգծեց` 30 տարուց ավելի այնտեղ բնակվելով և քաղաքական պաշտոն զբաղեցնելով` մեծ կապեր է ձեռք բերել, որոնք պետք է մոբիլիզացնի ի շահ Հայաստանի: