Խարկովում ադրբեջանցիները հայ տղային ցած են նետել պատուհանից. մանրամասներ

Ուկրաինայի Խարկով քաղաքում 18-ամյա հայ երիտասարդի հրել են և ցած նետել պատուհանից. հայտնում է ХарківTimes-ը:

Դեպքի մանրամասները պատմել է նրա հայրը` Սերգոն: Պարզվում է` Խարկովի ֆիզկուլտուրայի պետական ակադեմիայի ուսանող Արթուր Մարտիրոսյանի հարևանը հանրակացարանում եղել է ազգությամբ ադրբեջանցի: Այդ չարաբաստիկ օրը նա  Արթուրին պիկնիկի է հրավիրել: Ավելի ուշ Արթուրը հասկացել է, որ ադրբեջանցիներն իր դեմ թակարդ են լարում՝ պայուսակի մեջ փորձելով թմրանյութ գցել։ Երբ նրանք դուրս են եկել, հայ ուսանողը փակվել է սենյակում և սկսել ադրբեջանցիների թողած իրերը պատուհանից դուրս նետել: Ադրբեջանցիները վերադարձել են, կոտրել դուռը և, ծեծելով հայ ուսանողին, նրան պատուհանից ցած նետել։

Արթուր Մարտիրոսյանը հրաշքով ողջ է մնացել։  Պատուհանից ընկնելուց հետո նրան հաջողվել է փախչել ադրբեջանցիներից: Այժմ նա հիվանդանոցում է:

Արթուրի հայրը կարծում է, որ այդ կերպ նրանք ցանկացել են գումար շորթել, քանի որ Արթուրի ընտանիքը ապահովված է, իսկ այդ մասին իր ընկերներին կարող էր պատմել տղայի հարևան ադրբեջանցին: