Մենք առաջնորդվում ենք Իրանի մասին ԱԷՄԳ-ի հայտարարություններով. Պեսկով

Ռուսաստանն առաջնորդվում է Ատոմային էներգիայի միջազգային գործակալության  հայտարարություններով, որոնց համաձայն` Իրանը կատարում է միջուկային ծրագրի շրջանակում իր պարտականությունները: Այդ մասին լրագրողներին ասել է ՌԴ նախագահի մամուլի խոսնակ Դմիտրի Պեսկովը. հայտնում է РИА Новости-ն:

«Մենք ելնում ենք այն բանից, որ Իրանը, դրա մասին խոսել է նաև ՌԴ նախագահ Վլադիմիր Պուտինը, ԱԷՄԳ-ի կողմից ամենաստուգվող երկիրն է: Այդ առումով ապահովվում է ամբողջական թափանցիկություն, և կազմակերպությունը ընդունում է դա»,- ասել է նա և հավելել. «Բոլորովին վերջերս ԱԷՄԳ-ն  արձանագրել է, որ Իրանն ամբողջովին կատարում է իր վրա վերցրած պարտականությունները, մենք դեռ ելնում ենք դրանից»: