Ամուլսարի հանքի վերաբերյալ եզրակացությունն ուղարկվել է Քննչական կոմիտե. նախարար

Ամուլսարի հանքավայրի վերաբերյալ արտասահմանյան ընկերության իրականացրած փորձաքննության եզրակացությունն արդեն պատրաստ է։ Քննչական կոմիտեն արդեն ստացել է այն, և դա քրեական գործի շրջանակներում ապացույցներ ձեռք բերելու մի մաս է համարվում. խորհրդարանում ասաց ՀՀ շրջակա միջավայրի նախարար Էրիկ Գրիգորյանը։

Ըստ նախարարի` եզրակացության հիման վրա Քննչական կոմիտեն գնահատական կտա։ Եթե եզրակացությունը բացասական լինի, և եթե այդ կազմակերպության գործունեության արդյունքում բնապահպանական վտանգներ լինեն, մասնավորապես` ջրային ռեսուրսներին, ապա կառավարությունն իրավական գործընթաց կսկսի ընկերության գործունեությունը դադարեցնելու նպատակով:

Ինչ վերաբերում է եզրակացության արդյունքին, ապա, նախարարի հավաստիացմամբ, հունիսի վերջին կլինի վերջնական եզրակացությունը, և հանրությունը կտեղեկանա այդ մասին։