Մարի Լե Պենը FIFA–ից պահանջել է պատժել Թուրքիային

Հունիսի 8-ին 2020թ. Եվրոպայի առաջնության ընտրական մրցաշարի H խմբում ընդգրկված` Թուրքիայի և Ֆրանսիայի հավաքականների միջև կայացած հանդիպումից հետո, որում Ֆրանսիայի հավաքականը պարտվեց 0-2 հաշվով, Ֆրանսիայի աջ ծայրահեղականների առաջնորդ, «Ազգային միավորում» կուսակցության նախագահ Մարի Լե Պենը պահանջել է FIFA-ից` պատժել Թուրքիայի ֆուտբոլի ֆեդերացիային խաղից առաջ Ֆրանսիայի օրհներգի հնչելու ժամանակ երկրպագուների սուլոցների համար:

«Պետական օրհներգի ժամանակ սուլելը միշտ ամոթ է, վիրավորանք և fairplay-ի (արդար խաղ) արժեքների խախտում: Ակնկալում ենք, որ FIFA–ն այս գիշեր թուրքերի անհարգալից վերաբերմունքի համար կպատժի Թուրքիայի ֆուտբոլի ֆեդերացիային»,- նշել է Լե Պենը իր թվիթերյան էջում: