Ֆուադ Աբասովին 50 տարով արգելել են Ռուսաստան մուտք գործել. Report

50 տարվա ընթացքում ծագումով  ադրբեջանցի հայտնի թուրք  բլոգեր, լրագրող Ֆուադ Աբասովի մուտքը Ռուսաստանի տարածք արգելվել է: Այդ մասին հայտնում է Report-ը՝  իր աղբյուրին հղումով:

Նշվում է, որ որոշումն ընդունվել է Ռուսաստանի Դաշնային անվտանգության ծառայության հարցումով: Այսօր բլոգերը Ռուսաստանից Բաքու կարտաքսվի:

Ավելի վաղ Աբասովը պատմել է, որ, որպես ձերբակալության պատճառ, ոստիկանները նշել են այն, որ նրա` ՌԴ-ում բնակվելու թույլտվության ժամկետը չեղարկվել է, սակայն համապատասխան փաստաթղթեր չեն ներկայացրել` նշելով, որ նա կարող է պահանջել դրանք դատարանում:

Մեկնաբանելով այն մեղադրանքները, որ ձերբակալվել է ազգային հողի վրա թշնամանք հրահրելու համար, Աբասովն ասել է, որ իր ձերբակալության ժամանակ ոչ ոք իրեն ոչինչ չի ասել այդ մասին: