Պուտինը և Էրդողանը պայմանավորվել են հանդիպել Ճապոնիայում կայանալիք G20-ի շրջանակներում

Թուրքիայի նախագահ Ռեջեփ Թայիփ Էրդողանը և Ռուսաստանի նախագահ Վլադիմիր Պուտինը հինգշաբթի հեռախոսազրույց են ունեցել, որի ժամանակ պայմանավորվել են հանդիպում անցկացնել Ճապոնիայում կայանալիք G20-ի գագաթնաժողովի շրջանակներում: Այդ մասին հայտնում է ТАСС-ը` թուրք նախագահի գրասենյակի հայտարարությանը հղումով:

«Մեր նախագահ Ռեջեփ Թայիփ Էրդողանը և ՌԴ նախագահ Վլադիմիր Պուտինը հեռախոսազրույց են ունեցել: Մեր նախագահը հայտարարել է, որ անհրաժեշտ է կանխել Իդլիբում ռեժիմի (Սիրիայի նախագահ Բաշար Ասադի) հասցրած ավիահարվածների հետևանքով անմեղ զոհերի թվի աճը… Նա հայտնել է Ճապոնիայում հանդիպելու հավանականության մասին` ընդհանուր աշխատանքի արդյունքները քննարկելու համար»,- ասվում է հաղորդագրությունում: