Ադրբեջանի ոստիկանությունը հայտարարել է` թե ինչու են կանգնեցրել Մխիթարյանի մարզաշապիկով երկրպագուներին

Մայիսի 27-ին համացանցում տեսանյութ էր տարածվել` թե ինչպես են Բաքվի ոստիկանները փողոցում կանգնեցնում Հայաստանի ազգային հավաքականի ավագ Հենրիխ Մխիթարյանի` Արսենալի մարզաշապիկով զբոսնող երկրպագուներին: Տեսանյութը մեծ արձագանք էր գտել ամբողջ աշխարհում:

«Երկրպագուներին կանգնացրել էին անվտանգության նպատակներով, քանի որ ոչ ոք չէր ցանկանում, որ նրանք կոնֆլիկտ չհրահրեն: Ինչպես տեսանյութից է երևում, ոչ ոք նրանց չի ձերբակալել և չի սահմանափակել նրանց գործողությունները». - հայտնում է РИА Новости-ն` ադրբեջանական աղբյուրների հղումով:

Նշենք, որ երեկ Բաքվում կայացած Եվրոպայի լիգայի եզրափակիչում Լոնդոնի Արսենալը 4-1 հաշվով պարտվել է լոնդոնյան մեկ այլ թիմին` Չելսիին: