ԱԱԾ-ում ոչնչացված նյութերի հետ կապված ծառայողական քննությունն ընթացքի մեջ է

Ազգային անվտանգության ծառայությունում ոչնչացված նյութերի հետ կապված ծառայողական քննությունն ընթացքի մեջ է: Այդ մասին կառավարության նիստից հետո լրագրողների հետ զրույցում ասաց ԱԱԾ տնօրեն Արթուր Վանեցյանը:  «Ծառայողական քննությունը հենց ավարտվի, հարցերի պատասխանները կստանաք»,- խոստացավ նա:

Անդրադառնալով կեղծ օգտատերերի թեմային՝ ԱԱԾ տնօրենը նշեց, որ գործընթացը մշտապես շարունակվում է։ «Եթե համացանցում լինեն նյութեր տարածողներ, որոնցում կպարունակվի հանցակազմ, գործընթացը շարունակվելու է», - ասաց նա։

Ինչ վերաբերում է  իր տեղակալի պաշտոնից Արզուման Հարությունյանի հեռանալուն, Վանեցյանը նշեց, որ Արզուման Հարությունյանն անձամբ է դիմել իրեն, որպեսզի երկարամյա ծառայությունից ազատվի, ինքն էլ դիմումը բավարարել է: 

Հիշեցենք, որ Արզուման Հարությունյանը հրաժարականի դիմում էր ներկայացնել մայիսի 24-ին` նույն օրը, երբ հրաժարական էր տվել նրա եղբայրը՝ Բարձրագույն դատական խորհրդի նախագահ Գագիկ Հարությունյանը: