Պատգամավորները ՍԴ անդամին չընտրելու օրակարգ չունեն

Խորհրդարանում լրագրողների հետ զրույցում ԱԺ փոխնախագահ Ալեն Սիմոնյանն անդրադարձավ Սահմանադրական դատարանի թափուր անդամի ընտրությանը:

Հիշեցնենք, որ խորհրդարանում այսօր քննարկում են ՍԴ անդամի ընտրության հարցը: Առաջարկվել է Արթուր Վաղարշյանի թեկնածությունը:

«Իմ քայլը» խմբակցությունը Արթուր Վաղարշյանի թեկնածությանը դեմ քվեարկելու որոշում չունի»,- ասաց Սիմոնյանը:

Դիտարկմանը` մամուլում լուրեր են շրջանառվում, թե հերթական անգամ որոշել են չընտրել ՍԴ անդամին, նա պատասխանեց. «Տեսնում եք` ինչ ակտիվ քննարկումներ են ընթանում: Եթե տենց որոշում լիներ, ո՛չ կքննարկեինք, ո՛չ հարց կտայինք, ո՛չ էլ ժամավաճառությամբ կզբաղվեինք: Նման որոշում չկա: Մենք ընտրությունը կատարում ենք ըստ թեկնածուի տված պատասխանների, կենսագրության»: