ԱԺ քառօրյայի օրակարգը չհաստատվեց

ՀՀ Ազգային ժողովի` մայիսի 29-ին գումարվող հերթական նիստերի օրակարգը չհաստատվեց քվորում չլինելու պատճառով:

Օրակարգի նախագծերի երկրորդ բաժինն ընդունելու հարցը դրվել էր քվեարկության, կողմ էին ներկա բոլոր 61 պատգամավորները, բայց այն ընդունելու համար անհրաժեշտ էր 66 կողմ ձայն, հետևաբար` օրակարգը չհաստատվեց:

Լրագրողների հարցին, թե ի՞նչ են անելու խորհրդարանականները, որևէ մեկը հստակ պատասխան չտվեց: «Լուսավոր Հայաստան» խմբակցության ղեկավար Էդմոն Մարուքյանն ասաց, թե պետք է ավարտված համարել աշխատանքներն ու տուն գնալ: Իշխանականներից ոմանք ասացին` կրկին պետք է քվեարկել, ոմանք էլ չկարողացան ասել, թե ինչ է լինելու: