Եվրախորհրդարանի ընտրությունների արդյունքների պատկերը

Եվրախորհրդարանի ընտրությունների նախնական արդյունքների համաձայն` հաղթում է Եվրոպական ժողովրդական կուսակցությունը, որը 179 տեղ է ստացել ԵԽ-ում:

Մեծությամբ երկրորդ  խմբակցությունը` «Սոցիալիստների և դեմոկրատների պրոգրեսիվ դաշինք»-ը,  կստանա 150 տեղ:

«Հանուն Եվրոպայի լիբերալների և դեմոկրատների դաշինք»-ը կարող է ստանալ 107 մանդատ:

Չորրորդ տեղում են կանաչները` 70 մանդատով:

«Եվրոպական պահպանողականները և ռեֆորմատորներ»-ը ստացել են 58 մանդատ:

Աջ ազգայնական «Ազգերի և ազատությունների Եվրոպա» խմբակցությունը ստացել է 58 մանդատ, իսկ աջ պահպանողական «Ազատության և ուղիղ դեմոկրատիայի  Եվրոպա» խմբակցությունը` 56 մանդատ:

Ընդհանուր առմամբ, մայիսի 23-26-ը 28 երկրում ընտրվել է 751 պատգամավոր: