Հեղափոխության վրա ծախսել ենք 200 000 դոլար. Փաշինյանը` РБК-ին

ՀՀ-ում 2018 թվականի հեղափոխությունը դարձել է «պրագմատիզմի նկատմամբ ռոմանտիզմի տրիումֆը»: Այդ մասին РБК-ին տված հարցազրույցում ասել է ՀՀ վարչապետ Նիկոլ Փաշինյանը:

Լրագրողի դիտարկմանը, որ ցանկացած հեղափոխության համար գումար է հարկավոր, նա պատասխանել է, որ որոշակի գումար ստիպված են եղել ծախսել: «Մենք հեղափոխության վրա ծախսել ենք մոտ 200 000 դոլար: Որտեղի՞ց այդ գումարը: Մենք խնդրել ենք մարդկանցից: Մենք էլեկտրոնային դրամապանակ ենք ունեցել, և հայերը` բոլոր երկրներից, մեծամասնությունը` Ռուսաստանից, մեզ փող էին նվիրում: Մենք ծախսել ենք այդ գումարը և ամեն շաբաթ հաշվետվություն ներկայացրել»,- պատմել է Փաշինյանը:

Այդ իսկ պատճառով, ըստ Փաշինյանի, իրենք պարտավորվածություն չունեն ոչ մի անձի կամ կորպորացիայի առջև:

Տեսանյութը` այստեղ: