Հայրենիքի սահմանները սրբազան են, դրանց պաշտպանությունը`Հայաստանի քաղաքացիների պարտականությունը. Վանեցյան

Սահմանապահ զորքերի օրվա առիթով Ազգային անվտանգության ծառայությունը միջոցառում է կազմակերպել, որին ներկա են նաև վարչապետ Նիկոլ Փաշինյանը, ոստիկանության պետ Վալերի Օսիպյանը, արտակարգ իրավիճակների նախարար Ֆելիքս Ցոլակյանը, պաշտպանության նախարար Դավիթ Տոնոյանը:

Ելույթում ԱԱԾ պետ Արթուր Վանեցյանն ասաց, որ հայրենիքի սահմանները սրբազան են, իսկ դրանց պաշտպանությունը Հայաստանի  քաղաքացիների պարտականությունն է:

«Մեր երկրի սահմանների հսկողությունն այսօր ամուր է և հուսալի, այդպես է լինելու նաև վաղը: Չկա և չի կարող լինել կայացած պետություն` առանց ապահով սահմանների: Կառավարությունը և ժողովուրդը մեզ վստահել են մի սահմանագիծ, որից սկսվում է մեր անվտանգությունն ու ապահովությունը: Երախտիքի խոսքս եմ ուզում ասել նաև նրանց, ովքեր սերտորեն համագործակցում են սահմանապահների հետ: Խոսքս վերաբերում է ՌԴ մեր գործընկերներին, ՀՀ զինված ուժերին, ոստիկանության ներքին զորքերին, ինչպես նաև այն պետական կառույցներին, որոնց հետ արդյունավետ կերպով համագործակցում են մեր սահմանապահները»,-  նշեց Վանեցյանը: