Հայերը 104 տարի է` սպասում են արդարության. Փայլան

Թուրքիայի քրդամետ Ժողովուրդների դեմոկրատական կուսակցության հայազգի պատգամավոր Կարո Փայլանն իր թվիթերյան էջում անդրադարձել է օրերս Իտալիայի Պատգամավորների պալատում ընդունված` Հայոց ցեղասպանության վերաբերյալ բանաձևին, ինչպես նաև Ֆրանիսայի նախագահ Էմանուել Մակրոնի հրամանագրին` ապրիլի 24-ը Ֆրանսիայում որպես Հայոց ցեղասպանության օր հիշատակելու վերաբերյալ:

«Հայոց ցեղասպանությունը Իտալիայի, Ֆրանսիայի, ԱՄՆ-ի խորհրդարանների օրակարգից հանելու համար այն պետք է բերենք այդ մեծ հանցանքի իրականացված երկրի` Թուրքիայի խորհրդարան: Հայ ժողովրդի վերքը միայն  կարող է բուժվել  Թուրքիայի արդարադատության շնորհիվ: Անատոլիայի հայերը 104 տարի է` սպասում են արդարության»,- գրել է Փայլանը: