Եվրոպայի խորհրդի Խորհրդարանական վեհաժողովի գարնանային նստաշրջանը սկսված է

Եվրոպայի խորհրդի Խորհրդարանական վեհաժողովի գարնանային նստաշրջանը սկսված է: Այս մասին տեղեկանում ենք  ԵԽԽՎ-ի պաշտոնական կայքէջից:

Ըստ օրակարգի` հիմնական հարցերի թվում պատվիրակները քննարկելու են նաև Եվրախորհրդի բյուջետային ճգնաժամը, որը Ռուսաստանի կողմից չվճարված անդամակցության վճարների արդյունք է:

Նախատեսվում է, որ գարնանային նստաշրջանի ժամանակ Եվրոպայի խորհրդի մարդու իրավունքների հարցերով հանձնակատար Դունյա Միյատովիչը տարեկան զեկույց կներկայացնի:

Նշվում է նաև, որ նստաշրջանին կմասնակցի նաև ԵԽ գլխավոր քարտուղար Թյորբորն Յագլանդը:

ԵԽԽՎ-ն անդրադարձ կկատարի նաև այն նոր սպառնալիքներին, որոնք առկա են կազմակերպված հանցագործությունների և փողերի լվացման դեմ պայքարի հարցում, ինչպես նաև դիրքորոշում կհայտնի ԵՄ այն նոր մեխանիզմի ստեղծման վերաբերյալ, որի նպատակն է աջակցել ժողովրդավարությանը, օրենքի գերակայությանը և հիմնարար ազատությունների պաշտպանությանը: