Ոչ ցանկալի ելքի պարագայում պատրաստ ենք կոշտ քայլերի. Հանրային ռադիոյի աշխատակիցները հայտարարություն են տարածել

Հանրային ռադիոյի աշխատակիցները հայտարարություն են տարածել, որում ասում են, որ ակնկալում են` Հանրային ռադիոյի գործադիր տնօրենի թափուր հաստիքի մրցույթում արժանի թեկնածու կհաստատվի:

«Ծանոթանալով երկրորդ փուլ անցած թեկնածուների ցանկին՝ մենք, Հանրային ռադիոյի աշխատակիցներս ակնկալում ենք, որ 3 ամիս տևած գործադիր տնօրենի թափուր հաստիքի մրցույթում այսօր կհաստատվի արժանի թեկնածու, որը երկար տարիներ եղել է ՀՌ աշխատակից և քաջատեղյակ է ռադիոյից։

Բոլոր թեկնածուների հանդեպ ամենայն հարգանքով հանդերձ` հայտարարում ենք, որ աշխատակիցների կարծիքը պետք է որոշիչ դեր ունենա հանձնաժողովի որոշման կայացման հարցում։

Կոլեկտիվի դիրքորոշումը հստակ է և անզիջում: Տնօրենի ընտրությունը նախատեսվում է այսօր, և ոչ ցանկալի ելքի պարագայում պատրաստ ենք կոշտ քայլերի»,- ասվում է հայտարարության տեքստում։