Ռուս սահմանապահները կանխել են ՀՀ տարածք թմրանյութ տեղափոխելու հերթական փորձը

Ռուս սահմանապահները Հայաստանի ոստիկանության աշխատակիցների հետ «Ագարակ» անցակետում  կանխել են Իրանից  Հայաստանի տարածք թմրանյութ տեղափոխելու  հերթական փորձը:  Մարտի 30-ին Իրանից Հայաստան ժամանող ՀՀ քաղաքացու անձնական խուզարկության արդյունքում վերջինիս մոտ հայտնաբերվել է դեղամիջոցներով 19 փաթեթ, որոնք պարունակել են ուժեղ ազդեցություն գործող թմրանյութ:

 Վերոնշյալ անձը և հայտնաբերված իրերը օրենքով սահմանված կարգով փոխանցվել են Հայաստանի իրավասու մարմիններին՝ փորձաքննություն անցկացնելու և միջադեպի բոլոր  հանգամանքները պարզելու համար:

Նշվում է, որ 2019 թվականի առաջին եռամսյակում հայ-իրանական սահմանի անցակետում կանխվել է Հայաստանի տարածք թմրանյութ և հոգեմետ դեղամիջոցներ տեղափոխելու ավելի քան 10 փորձ: Նախորդ տարվա նույն ժամանակահատվածում Իրանից Հայաստանի տարածք թմրանյութեր տեղափոխելու փորձեր չեն եղել: