Սեւանի թերակղզուց դեպի Ծովագյուղ տանող ճանապարհահատվածում բուք է

ՀՀ տրանսպորտի, կապի եւ տեղեկատվական տեխնոլոգիաների նախարարությունը տեղեկացնում է, որ ապրիլի 2-ին՝ ժամը 09:30-ի դրությամբ, Դիլիջանի ոլորաններում տեղ-տեղ մերկասառույց է:

Սեւանի թերակղզուց դեպի Ծովագյուղ տանող ճանապարհահատվածում բուք է:

Միևնույն ժամանակ ՀՀ տարածքում կան փակ եւ դժվարանցանելի ավտոճանապարհներ: Մասնավորապես, Վարդենյաց լեռնանցքը փակ է կցորդիչով բեռնատարների համար: 

Դժվարանցանելի են Վարդենյաց լեռնանցքը, Սոթք-Քարվաճառ, Վանաձոր-Դիլիջան, Արագածոտնի մարզի Ալագյազ-Ճարճակիս, Ալագյազ-Մելիքգյուղ ավտոճանապարհները:

Վարորդներին խորհուրդ է տրվում երթեւեկել բացառապես ձմեռային անվադողերով։ 

Վրաստանի տարածաշրջանային զարգացման եւ ենթակառուցվածքների նախարարության ավտոճանապարհային դեպարտամենտից ստացված տեղեկության համաձայն` Ստեփանծմինդա-Լարս ավտոճանապարհը բաց է բոլոր տեսակի ավտոմեքենաների համար: