Թուրքական ինքնաթիռները մեկ օրում 47 անգամ խախտել են Հունաստանի օդային տարածքը

Հունաստանի և Թուրքիայի միջև երեկ սկսված` օդային սահմանների խախտման լարվածությունն ավելի է խորանում: Հունաստանի զինված ուժերի գլխավոր շտաբի տարածած հայտարարության համաձայն` Թուրքիայի 8 ռազմական ինքնաթիռներ երեկ` Հունաստանի Անկախության օրը, 47 անգամ խախտել է երկրի օդային սահմանները: Հայտարարության մեջ նշվում է, որ 2009 թվականից  ի վեր օդային սահմանախախտումները առաջին անգամ են այդպես շատացել:

Նշենք, որ երեկ նույն միջոցառման առիթով Ագաթոնիսի կղզի այցելած Հունաստանի վարչապետ Ալեքսիս Ցիպրասին ուղեկցող ուղղաթիռները հետապնդման են ենթարկվել թուրքական կործանիչների կողմից:

Ի դեպ, թուրքական համապատասխան մարմինները հերքում են Հունաստանի մեղադրանքները. հաղորդում է diken.com.tr կայքը: