Ադրբեջանի ՊՆ ղեկավարն աշխատանքային այցով մեկնել է ԱՄՆ

Ադրբեջանի պաշտպանության նախարար Զաքիր Հասանովը մարտի 25-ին աշխատանքային այցով մեկնել է ԱՄՆ. հղում անելով Ադրբեջանի ՊՆ մամլո ծառայությանը` հայտնում է haqqin.az կայքը:

Այցի ընթացքում Հասանովը մասնակցելու է ՄԱԿ-ի կողմից խաղաղապահ առաքելություններին մասնակցող երկրների ՊՆ ղեկավարների ժողովին: Այցի ընթացքում նախատեսվում է նրա և ՄԱԿ-ի գլխավոր քարտուղարի տեղակալ, ՄԱԿ-ի խաղաղապահ առաքելությունների բաժնի ղեկավար Ժան Պիեռ Լակրուայի հանդիպումը:

Հանդիպման ընթացքում քննարկվելու են տարածաշրջանային անվտանգությանը նվիրված հարցեր, հայ-ադրբեջանական հակամարտությունը, ինչպես նաև Ադրբեջանի` խաղաղապահ գործողություններին մասնակցելու հեռանկարները: