Ավիացիոն մասնագետների նախաձեռնող խումբը նամակ է հղել Նիկոլ Փաշինյանին և Արարատ Միրզոյանին

Ավիացիոն մասնագետների նախաձեռնող խումբը ստորագրահավաք է սկսել, որին միացել են ոլորտի բազմաթիվ ներկայացուցիչներ, այդ թվում` տուրիստական գործակալություններ, այն պատճառով, որ  ոլորտում եղած թերությունները ազդում են տոմսերի գների դեմպինգի վրա:

Մասնագետները նամակով դիմում են վարչապետ Նիկոլ Փաշինյանին և ԱԺ նախագահ Արարատ  Միրզոյանին` նշելով, որ ոլորտի վերականգնումն ու բնականոն զարգացումն ապահովելու համար անհրաժեշտ է իրականացնել համակարգային, ինստիտուցիոնալ, արմատական փոփոխություններ: 

«Պետությունը առաջնահերթ պետք է ապահովի կանխատեսելի, հավասար, մրցակցային պայմաններ: Բարեփոխումների միջոցով ոլորտը պետք է դարձնել հրապուրիչ, և ինքնին կհայտնվեն բազմաթիվ ներդրողներ ավիացիոն ոլորտի ամենատարբեր բնագավառներում, այդ թվում նաև կծնվեն ոչ թե մեկ, այլ առնվազն մի քանի մրցունակ հայկական ավիափոխադրողներ»,- նշված է նամակում: