Ես նրան կհիշեցնեմ հայերի, հույների, ասորիների ցեղասպանության մասին. Նեթանյահուի որդին՝ Էրդողանին

Վերջին երկու օրերին Թուրքիայի նախագահ Ռեջեփ Թայիփ Էրդողանի և Իսրայելի վարչապետ Բինյամին Նեթանյահուի միջև փոխադարձ վիրավորանքներից հետո Իսրայելի վարչապետի որդին`Յաիր Նեթանյահուն, իր թվիթերյան և ֆեյսբուքյան էջերում Էրդողանին հիշեցրել է Թուրքիայի պատմությունը: «Եվ ես կհիշեցնեմ նրան, որ Ստամբուլն իրականում կոչվում է Կոստանդնուպոլիս: Մինչ Կ.Պոլսի թուրքական բռնազավթումը` Բյուզանդական կայսրության մայրաքաղաքն ու ուղղափառ  քրիստոնեության կենտրոնը հազարամյակների պատմություն ուներ: Ես նրան նաև կհիշեցնեմ, որ Թուրքիան ցեղասպանություն է իրականացրել հայերի, հույների, ասորիների նկատմամբ: Նրանք էթնիկական զտման ենթարկեցին Փոքր Ասիայի բոլոր քրիստոնյաներին»,- գրել է Նեթանյահու կրտսերը: