Ամուր աջակցություն Հայաստանին ու Արցախին, զրոյական ռազմական օգնություն՝ Ադրբեջանին․ Հայ Դատի Ամերիկայի հանձնախմբի օրենսդրական հարցերով տնօրեն ելույթը՝ ԱՄՆ կոնգրեսում

Ամուր աջակցություն Հայաստանին ու Արցախին, զրոյական ռազմական օգնություն Ադրբեջանին. Հայ Դատի Ամերիկայի հանձնախմբի օրենսդրական հարցերով տնօրեն Րաֆֆի Քարաքաշյանը ելույթ է ունեցել Միացյալ Նահանգների Կոնգրեսում:

Քարաքաշյանը, մասնավորապես, հորդորել է 2020 թվականի ֆինանսական տարում 30 միլիոն դոլարի չափով տնտեսական, 10 միլիոն դոլարի չափով ռազմական օգնություն տրամադրել Հայաստանին: Եւս 20 միլիոն դոլար՝ Հայաստանում ապաստան գտած սիրիացի ու մերձավոր-արեւելյան այլ երկրներից փախստականների աջակցության համար:

Հայ Դատի Ամերիկայի հանձնախմբի օրենսդրական հարցերով տնօրենը նաեւ 6 միլիոն դոլար է խնդրել տրամադրել Արցախին՝ ականազերծման ու վերականգնողական ծառայությունների համար, 4 միլիոն դոլար էլ՝ խաղաղության աջակցման համար: