Նոր լարվածություն գերմանա-թուրքական հարաբերություններում

Գերմանիան Թուրքիայի ներքին գործերի նախարար Սուլեյման Սոյլուի`Թուրքիայում գործունեություն ծավալող 3 գերմանացի լրագրողների լրագրողական քարտերի ժամկետը չերկարացնելու և Գերմանիայում «ահաբեկչական» ժողովներին մասնակից լինելու հայտարարությունից հետո իր քաղաքացիներին զգուշացրել է  այցեր չկատարել Թուրքիա. հայտնում է amerikaninsesi.com կայքը:

Գերմանիայի արտաքին գործերի նախարարության համացանցային կայքում հրապարակված հայտարարության մեջ Թուրքիայում արձակուրդ անցկացնել պատրաստվողներին զգուշացնում են, որ այն ինչ Գերմանիայում ընդունվում է որպես խոսքի ազատություն, Թուրքիայում կարող է պատճառ դառնալ մասնագիտական իմաստով սահմանափակումների և  քրեական հետապնդումների: Զգուշացման մեջ, հիշեցնելով Սոյլուի խոսքերը, նաև նշված է. «Թուրքիայում մի շարք ձերբակալություններ տեղի են ունենում որպես ահաբեկիչ դասակարգվող և «գյուլենական» (FETÖ) անվանվող կազմակերպությունների հետ առնչություն ունենալու մեջ կասկածվող անձանց դեմ»:

Գերմանիայի ԱԳ նախարար Հայկո Մաասը նշել է, որ Թուրքիայի գործողությունները բացասաբար կանդրադառնան երկրի զբոսաշրջության վրա:

Գերմանական մամուլն իր հերթին հայտնում է, որ նրանք, ովքեր Գերմանիայում քննադատել են Էրդողանին, կձերբակալվեն Թուրքիայում: