Հայաստանը ՄԻԵԴ-ում պարտվել է «Գասպարին ընդդեմ Հայաստանի» գործով

Հայաստանը Մարդու իրավունքների եվրոպական դատարանում պարտվել է «Գասպարին ընդդեմ Հայաստանի» գործով.  Վարդգես Գասպարիին, որպես փոխհատուցում, կառավարությունը մինչև մարտի 20-ը պարտավորվում է վճարել 4000 եվրոյին համարժեք դրամ:

2008 թվականի մարտի 1-ին Գասպարին ձերբակալվել էր ոստիկանի նկատմամբ բռնություն գործադրելու կասկածանքով:

2008 թվականի փետրվարի 19-ին Հայաստանում տեղի են ունեցել նախագահական ընտրություններ: Ըստ ՄԻԵԴ-ի`այս կապակցությամբ բողոքի ցույցերը դադարեցվել են 2008 թվականի մարտի 1-ին՝ ոստիկանության միջամտությունից հետո, ինչը հանգեցրել է ցուցարարների ու իրավապահ մարմինների ծառայողների միջև բախումների ու բազմաթիվ ձերբակալությունների: