Շախմատի ԱԱ-ում ՀՀ կանանց հավաքականը հաղթել է եգիպտացիներին

Աստանայում ընթացող շախմատի աշխարհի կանանց թիմային առաջնության առաջին տուրում Հայաստանի կանանց հավաքականը 4:0 հաշվով հաղթանակ է տոնել Եգիպտոսի կանանց հավաքականի նկատմամբ:

ՀՀ թիմի կազմում հաղթանակներ են տարել Լիլիթ Մկրտչյանը, Աննա Սարգսյանը, Մարիա Գևորգյանը և Սիրանուշ Ղուկասյանը: Թիմի առաջատար Էլինա Դանիելյանը մեկնարկային տուրում հանդես չի եկել:

Չինաստանի հավաքականը 3.5:0.5 հաշվով առավելության է հասել Հունգարիայի նկատմամբ: Այս մասին հայտնում է chessfed.am-ը:

Ռուսաստանի ընտրանին 3:1 հաշվով հաղթել է Ղազախստանին, իսկ Հնդկաստան - Վրաստան, ԱՄՆ - Ուկրաինա մրցախաղերը ավարտվել են հաշտությամբ:

Հավելենք, որ 2-րդ տուրում Հայաստանի մրցակիցն է լինելու Ռուսաստանի հավաքականը: