Հայ միլիարդատերերը՝ ըստ Forbes-ի

Forbes պարբերականի՝ մարտի 5-ին հրապարակված` աշխարհի ամենահարուստ մարդկանց ցուցակում ընդգրկվել են նաեւ հայ միլիարդատերեր:

Ռուսաստանաբնակ գործարար, «Տաշիր» հոլդինգի սեփականատեր Սամվել Կարապետյանը զբաղեցնում է ցուցակի 568-րդ հորիզոնականը` 3 մլրդ 700 մլն դոլար կարողությամբ:

Ռուսաստանի խոշորագույն՝ «Մագնիտ» սուպերմարկետների ցանցի հիմնադիր Սերգեյ Գալիցկի-Հարությունյանը 617-րդ տեղում է: Նա ունի 3,5 մլրդ դոլար:

Ցուցակի երրորդ՝ ամենահարուստ հայն Արգենտիա տեղափոխված գաղթականների ժառանգ Էդուարդո Էռնեկյանն է. նրա կարողությունը գնահատվել է 1 մլրդ 600 մլն դոլար:

Ամերիկյան «Ալեքս եւ Անի» ընկերության հիմնադիր Քերոլայն Ռաֆայելյանի կարողությունն էլ, ըստ ամսագրի, 1 մլրդ դոլար է: