Հելսինկյան կոմիտեն Սումգայիթի ջարդերի վերաբերյալ հայտարարություն է տարածել

Սումգայիթյան ջարդերի 31-րդ տարելիցի կապակցությամբ Հելսինկյան կոմիտեի ղեկավար Էլսի Լ. Հասթինգսը հետևյալ հայտարարությունն է տարածել:

«Այսօր մենք ոգեկոչում ենք Սումգայիթի ջարդերի զոհերին, որոնք միջէթնիկական հակամարտության ողբերգության մաս են կազմում և որը իր գագաթնակետին հասավ Լեռնային Ղարաբաղյան պատերազմում ու հիմք հանդիսացավ հայկական և ադրբեջանական հասարակությունների տարանջատմանը:

1988 թ. այս օրը, էթնիկ տեսանկյունից դրդված և դաժան խմբերը քշեցին հազարավոր հայերին Ադրբեջանից: Ես հույս ունեմ, որ ներկայում շարունակվող բանակցությունները Հայաստանի և Ադրբեջանի ԱԳ նախարարների միջև կմիավորեն համատեղ ջանքերը այս վերքերը փակելու ուղղությամբ և կծառայեն որպես այլընտրանքային պատճառ խաղաղության և համագործակցության համար:

Լեռնային Ղարաբաղի հակամարտությունը Հայաստանի և Ադրբեջանի միջև մնում է աշխարհի ամենադժվար կարգավորվող և երկարաժամկետ տարածքային և էթնիկական վեճը: Այդ փխրուն` ոչ խաղաղ, ոչ պատերազմական վիճակը լուրջ վտանգ է Հարավային Կովկասի կայունության համար»,– Հասթինգսի խոսքերն է մեջբերում Հելսինկյան  կոմիտեի csce.gov կայքը: