Freedom House-ը խիստ քննադատության է ենթարկել Թուրքիային

Ժողովրդավարությունը, մարդու իրավունքները և քաղաքական ազատությունները պաշտպանող Freedom House  կազմակերպությունը քննադատել է  Ստամբուլի հանրապետական դատախազության կողմից Գեզի զբոսայգում 2013 թ. տեղի ունեցած ցույցերի հետ առնչություն ունեցող 16 հոգու վերաբերյալ կայացված ցմահ ազատազրկման որոշումը:

Freedom House-ը «Քաղհասարակության դեմ ուղղված ցնցող մեղադրանք» վերնագրով հայտարարության մեջ որպես ստոր նախաձեռնություն է որակել «քաղաքացիական հասարակության առաջնորդների` ցույցեր անցկացնելով իշխանություն տապալելը և  հավաքներ անցկացնելն ու միություններ կազմակերպելը որպես հանցանք ներկայացնելը»:

Freedom House-ի ղեկավար Մայքլ Աբրամովիցը հայտարարության մեջ նաև նշել է, որ ակտիվիստներին և  քաղհասարակության առաջնորդներին բանտարկել փորձող թուրքական ղեկավարությունը ցույց է տվել, որ մտադրություն չունի վերադառնալու օրենքի գերակայությանը և ժողովրդավարական կառավարմանը. նշում է aa.com.tr կայքը:  

2.5 մլն մարդու մասնակցությամբ ցույցի ղեկավարներ Օսման Քավալան և Յիղիթ Աքսաքօղլուն, ըստ կազմակերպության, անօրինական են պահվում բանտում:

Freedom House-ը «Ազատությունն  աշխարհում 2019» և «Ազատությունն համացանցում 2018» զեկույցներում Թուրքիան անվանել է  «անազատ երկիր»: