Կառավարությունը նախատեսում է զարգացնել զինծառայողների սոցիալական պաշտպանության համակարգը

Կառավարությունը կյանքի է կոչելու արժանիքների վրա հիմնված և կրթական չափորոշիչների հետ փոխկապակցված ծառայողական առաջխաղացման քաղաքականությունը, միաժամանակ զարգացնելու է պրոֆեսիոնալ սերժանտական համակարգը: Այս նախագիծն այսօր քննարկվեց ՀՀ կառավարության նիստում:

Նախատեսվում է էականորեն բարելավել զինված ուժերի անձնակազմի բարոյահոգեբանական պատրաստվածության մակարդակը, կարգապահությունը, զինված ուժերում մարդու իրավունքների պաշտպանությունը և բացառել ոչ կանոնադրային հարաբերությունների դեպքերը։

Կառավարությունը նախատեսում է զարգացնել զինծառայողների և նրանց ընտանիքների անդամների սոցիալական պաշտպանության համակարգը` երաշխավորելով նրանց ամբողջական և որակյալ իրային ու պարենային բավարարումը:

Նախատեսվում է նաև իրականացնել բնակարանային և բժշկական ապահովման ծրագրեր։