«Բարսելոնա»-ն «Ռեալ»-ի հետ կխաղա չինական հիերոգլիֆներով շապիկներով

«Բարսելոնա»-ն Իսպանիայի գավաթի կիսաեզրափակիչի` «Ռեալ»-ի հետ խաղում դաշտ դուրս կգա հատուկ մարզահագուստով: Ֆուտբոլիստների ազգանունները ևս կգրվեն չինարեն: Այս կերպ  կատալոնական ակումբը որոշել է նշել չինական Նոր տարին:

«Բարսելոնա»-ն ներկայացրել է նաև այն ֆուտբոլիստների անունները, որոնք հրավիրվել են պատրաստվել խաղին: Ընդհանուր առմամբ, թիմի հայտացուցակն հետևյալն է`

Դարպասապահներ` տեր Շտեգեն, Պենյա

Պաշտպաններ` Սեմեդու, Լանգլե, Մուրիլյո, Պիկե, Ալբա, Վերմալեն

Կիսապաշտպաններ` Ռակիտիչ, Բոատենգ, Բուսկետս, Ռոբերտո, Կոուտինյո, Ալենյա, Արթուր, Վիդալ, Մալկոմ

Հարձակվողներ` Սուարես, Մեսսի

«Բարսելոնա»-«Ռեալ» գավաթային հանդիպումը կկայանա «Կամպ Նոու» ստադիոնում այսօր` փետրվարի 6-ին: Հանդիպումը կմեկնարկի Երևանի ժամանակով 00:00-ին: