Օրհներգը փոխելու հարցն օրակարգային չէ. Մակունց

ՀՀ օրհներգը կամ որևէ այլ խորհրդանիշ փոխելու օրակարգ «Իմ քայլը» դաշինքում չկա: Սա խմբակցության ղեկավար Լիլիթ Մակունցի պարզաբանումն է այս օրերին շրջանառվող` օրհներգի հնարավոր փոփոխության մասին առաջարկի վերաբերյալ:

Ազգային ժողովում լրագրողների հետ ճեպազրույցի ժամանակ նա պաշտոնապես հայտարարեց` ո՛չ հետաձգվող, ո՛չ էլ օրակարգում նման հարց կա, և, ընդհանրապես, այդ հարցը քննարկման ենթակա չէ:

 «Ինչ վերաբերում է օրհներգի փոփոխության մասով իմ կարծիքին, ապա հստակեցնեմ` ես ասել եմ, որ խորհրդանշանները փոխելու հարցում պետք  է լինել չափազանց զգուշավոր, և չենք կարող ամեն առիթով դիտարկել դրանց փոփոխության հարցը»,- ասաց Մակունցը: