ՀՔԾ-ն բավարարել է Մայրապետյանի` երկրից մեկնելու թույլտվության վերաբերյալ միջնորդությունը

Հատուկ քննչական ծառայությունը բավարարել է գործարար Սամվել Մայրապետյանի պաշտպան Կարեն Բատիկյանի միջնորդությունը Մայրապետյանին երկրից մեկնելու թույլտվության վերաբերյալ: Տեղեկությունը Yerkir.am-ի հետ զրույցում հաստատեց Բատիկյանը:

«Միջնորդությունս ՀՔԾ-ն երեկ է բավարարել, և երեկոյան  որոշումն արդեն հանձնել եմ Մայրապետյանին: Նա շտապ մեկնելու էր կամ գուցե արդեն մեկնել է Գերմանիա»,- ասաց նա:

Միջնորդության բավարարումը փաստաբանը չի կապում միայն ՄԻԵԴ որոշման հետ: Նրա խոսքով` ամսի 23-ին դարձյալ  բժիշկների լրացուցիչ կոնսիլիում էր հրավիրվել: «Բժիշկները զննել էին և եզրակացրել, որ այդ հիվանդության բուժման մեթոդը Հայաստանում առկա չէ, բուժում հնարավոր է իրականացնել արտերկրում: Դա ներկայացրել եմ իմ միջնորդության մեջ, որը բավարարվեց»,- նշեց Բատիկյանը: