Հանրային ռադիոյում չարաշահումների հետ կապված ոստիկանությունը նյութեր է նախապատրաստում

Հանրային ռադիոյում չարաշահումների հետ կապված նյութեր են նախապատրաստվում. այս մասին Yerkir.am-ին տեղեկացրեցին ոստիկանության լրատվության ծառայությունից:

Հունվարի 9-ին Կենտրոն-Նորք Մարաշ վարչական շրջանների դատախազությունից ոստիկանության կենտրոնականի բաժին է ստացվել Hraparak.am-ում 2018-ի դեկտեմբերի 18-ի հրապարակումը` «Հանրայինը պատրաստվում է գործադուլի»: Ըստ հոդվածի` Հանրային ռադիոյում տեղի են ունեցել լիազորությունների չարաշահումներ: Վերոհիշյալ հՀրապարակման  հիման վրա էլ նյութեր են նախապատրաստվում:

Նշենք, որ դեկտեմբերի 18-ին Հանրային ռադիոյի մի խումբ աշխատակիցներ գործադուլ սկսելու հայտարարություն էին տարածել:

Հայտարարության մեջ, մասնավորապես, նշված էր.«Մեր ռադիոյի գործադիր տնօրենի աթոռին Մարկ Գրիգորյանի հայտնվելուց հետո չարաշահումների ցուցակում ամենաթողությունը վերջին տեղում է: Դրանցից են.

բանիմաց, փորձառու հեղինակ-վարողների շնորհիվ սիրված հաղորդումների անձնակազմին անփորձ ու անհասկանալի ճանապարհներով ռադիոյում պատահական հայտնվածներով փոխարինելու շարունակական իրավիճակ/արդեն յուղալի աշխատավարձերով։

Աշխատավարձերի քմահաճ հանցավոր բաշխում՝ առանց տրամաբանության եւ կանոնակարգի»: