«Միր»-ը ռեպորտաժ է պատրաստել Մայր Աթոռ Սուրբ Էջմիածնում ընթացող վերանորոգման աշխատանքների մասին

«Միր»  հեռուստաընկերությունը Մայր Աթոռ Սուրբ Էջմիածնում ընթացող վերանորոգման աշխատանքների մասին ռեպորտաժ է պատրաստել:

Ռեպորտաժում խոսվում է այն մասին, որ հայտնաբերվել է նախկինում անհայտ որմնանկար: «Շինարարները հայտնաբերել են տասներկու առաքյալներին ներկայացնող որմնանկար, որը ծածկել են հաստ կտորով: Շուտով այն փորձաքննության կուղարկվի լաբորատորիա»,- նշել է լրագրողը:

Վերջին անգամ տաճարը վերանորոգվել է 70 տարի առաջ: Մայր տաճարի վերանորոգումն ընթանում է ոչ միայն ներսից, այլև` դրսից, նաև ամրացվում է:

«Դրա շնորհիվ, ըստ մասնագետների,  տաճարը վերանորոգման կարիք չի ունենա ևս 300 տարի: Վերանորոգված Էջմիածինը հավատացյալների առաջ իր դռները կբացի 2020-ին»,- ասվում է ռեպորտաժում:

Մանրամասն` տեսանյութում: