Մերկելը չի պատասխանել Հունաստանի` ռազմատուգանքների մասին պահանջին

Գերմանիայի կանցլեր Անգելա Մերկելն Աթենքում կայացած բանակցությունների ժամանակ ընդունել է Հունաստանի օկուպացման ժամանակ նացիստների հանցագործության համար պատասխանատվությունը, սակայն չի պատասխանել վնասը հատուցելու և, այսպես կոչված, օկուպացիոն փոխառությունը վերադարձնելու` Հունաստանի պահանջին. հայտնում է РИА Новости-ն:

Այդ հարցը բարձրացրել է Հունաստանի նախագահ Պրոկոպիս Պավլոպուլոսը` նշելով, որ Հունաստանը մտադիր է լուծել այդ հարցը դատարանի միջոցով:

Հունաստանն ավելի քան 300 միլիարդ եվրո է գնահատում 1941-1944 թվականներին գերմանական օկուպացումից և գերմանացիների կողմից հարկադրաբար վերցված փոխառությունից առաջացած կորուստները: