Հրանտ Դինքի սպանության 12-րդ տարելիցի կապակցությամբ Մոնթեբելոյում կկայանան հուշ-միջոցառումներ

Ինչպես նախորդ տարիներին, այս տարի նույնպես կհիշատակվի «Ակօս» թերթի խմբագիր Հրանտ Դինքի սպանության տարելիցը:

Ըստ Asbarez-ի` հունվարի 20-ին Հրանտ Դինքի սպանության 12-րդ տարելիցի կապակցությամբ Մոնթեբելոյի հուշարձանի առջև կկայանա հոգեհանգստյան կարգ:

Նույն օրը Պոլսահայ միության կենտրոնում կկայանա նաև ոգեկչման երեկո, որի ընթացքում Պոլսից ժամանած դասախոս, «Ակօս» թերթի պաշտամակն բաժնի լրագրող Զաքարիա Միլտանօղլուն և Բեռլինից ժամանած պոլսահայ գրող, թղթակից Հայկո Բաղդադը հանդես կգան դասախոսություններով:

Միջոցառման ընթացքում Զաքարիա Միլդանօղլուին կշնորհվի Հրանտ Դինք անվան Ազատության և արդարության մեդալ: