Ակցիա` Բագիրովի հուշաքարը տեղադրողներին պատասխանատվության ենթարկելու պահանջով

Այսօր՝ դեկտեմբերի 21-ին ԱՀ Ազգային ժողովի դիմաց շուրջ 20 քաղաքացիներ ակցիա են կազմակերպել՝ պահանջելով պատասխանատվության ենթարկել Ադրբեջանի ազգային հերոս Ալլահվերդի Բագիրովի Ակնայում պահպանվող գերեզմանին հուշաքար տեղադրողներին:

Ցույցի կազմակերպիչներից Դավիթ Սարգսյանը մեզ հետ զրույցում նշել է, որ ԱԺ-ը քայլեր չի ձեռնարկել երեք ամիս առաջ 160 հոգու կողմից ստորագրված դիմում-պահանջի իրականացման ուղղությամբ: Դիմողները պահանջում էին քննել դեպքը եւ պատասխանատվության ենթարկել հուշաքարը տեղադրողներին:

«Մեր տեղեկությունների համաձայն՝ պատգամավոր Հայկ Խանումյանն է մասնակցել հուշաքարի տեղադրմանը: Նա պետք է հարցաքնվի եւ մեղավորության հաստատման դեպքում ենթարկվի խիստ պատժի»,- ասել է Սարգսյանը:

Ցույցի կազմակերպիչներից երեքը հանդիպել են ԱԺ-ի պատգամավորների հետ եւ մտադրված են, անհրաժեշտության դեպքում, հարցը բարձրացնել այլ հարթակներում եւս:

Աղբյուր` aparaj.am