Մնացականյանի հետ հասել ենք փոխըմբռման. Մամեդյարով

Ադրբեջանի ԱԳՆ ղեկավար Էլմար Մամեդյարովը հայտարարել է, որ իր հայ գործընկեր Զոհրաբ Մնացականյանի հետ կարողացել է ԼՂ հակամարտության կարգավորման բանակցություններում փոխըմբռման հասնել. հայտնում է Интерфакс-Азербайджан-ը:

«Կարծում եմ, որ Միլանում վերջերս կայացած հանդիպման ժամանակ իմ հայ գործընկերոջ հետ երկար տարիների ընթացքում առաջին անգամ հասանք փոխըմբռնման»,- ասել է Մամեդյարովը:

Նա նաև ասել է, որ 2019-ին ԼՂ հակամարտության կարգավորման ուղիների որոնումը կշարունակի Ադրբեջանի համար գլխավոր խնդիրը լինել:

Մամեդյարովը նաև հայտնել է, որ 2019-ի հունվարին Մնացականյանի հետ նախատեսված հանդիպման ընթացքում կշարունակեն ԼՂ հակամարտության կարգավորման ուղիներ որոնել: