Մադուրոն հայտնել է դավադրության մասին և հրահանգել մարտական պատրաստության բերել երկրի ԶՈւ-ն

Վենեսուելայի նախագահ Նիկոլաս Մադուրոն հրաման է տվել երկրի զինված ուժերը բերել մարտական առավելագույն պատրաստության՝ երկրի դեմ նախապատրաստվող հնարավոր «դավադրությունները» կանխելու համար: Այդ մասին նա հայտնել է իր թվիթերյան էջում. գրում է Корреспондент-ը:

«Վենեսուելան հույսը դնում է ձեզ վրա»,- գրել է Մադուրոն:

Հիշեցնենք, որ երեկ Մադուրոն հայտարարել էր, որ  ԱՄՆ-ն ունեցել է իրեն սպանելու ծրագիր: Նրա խոսքով` ծրագիրը  ղեկավարել է ԱՄՆ նախագահի ազգային անվտանգության հարցերով խորհրդական Ջոն Բոլթոնը:

«Խոսքը վերաբերում է ինձ սպանելու ծրագրին: Նա (Բոլթոնը) Վենեսուելայի դեմ ուղղված այդ ծրագրի գլխավոր մշակողն էր»,- հայտարարել է Մադուրոն: