Նովակը տեղյակ չէ` «Ռոսնեֆտ»-ը կաշխատի՞ Իրանում, թե՞ ոչ

Ռուսական «Ռոսնեֆտ»-ը, որը ծրագրում էր համատեղ նախագծեր իրականացնել Իրանական ազգային նավթային ընկերության հետ, հրաժարվել է այդ մտքից: Այդ մասին գրում է Ведомости-ն` ռուսական ընկերության թոփ-մենեջերների հետ ծանոթ երեք աղբյուրների հղումով: Նրանցից մեկն ասում է, որ բանակցությունները դադարեցվել են 2018-ի ամռանը` Իրանի դեմ ամերիկյան պատժամիջոցների սպառնալիքի հետ կապված: Ըստ մյուսի աղբյուրի` փոխվել է ռուսական ընկերության ռազմավարությունը. այն ցանկանում է կենտրոնանալ ՌԴ-ի ներսում աճի վրա:

Լրագրողները խնդրել են ՌԴ էներգետիկայի նախարար Ալեքսանդր Նովակին` մեկնաբանել տեղեկությունը: Նա պատասխանել է. «Պետք է մեկնաբանություն ստանալ «Ռոսնեֆտ»-ից: Ես տեղյակ չեմ»: