Ինչին դիպչում է կինը, այն գեղեցկանում է. Դերսիմում 22-ամյա աղջիկը հավակնում է գյուղապետ դառնալ

Ներկայիս Թուրքիայի տարածքում գտնվող հայկական պատմական Դերսիմ նահանգի Օվաջըք շրջանի Բուզլութեփե գյուղի բնակչուհի` 22-ամյա Շիլան Ասլանը հավակնում է գյուղապետ դառնալ:

Ըստ Gazeteduvar-ի` երիտասարդ աղջիկն իր թեկնածությունն է առաջադրել ՏԻՄ ընտրություններում և ընտրվելու դեպքում պատրաստվում է շարունակել կիսատ թողած ուսումն ու հարմարավետ պայմաններ ստեղծել, որպեսզի գյուղի երեխաները կարողանան դպրոց ու մանկապարտեղ հաճախել: Նա նշել է, որ ինքը մեծ կարևորություն է տալիս նախադպրոցական կրթությանը: Նաև պատմել է, որ ավագ դպրոցում սովորելիս 10 ամիս երեխաների հետ աշխատել է` որպես ուսուցիչ, և եթե գյուղում հարմար պայմաններ ստեղծվեն, ինքը կարող է դասավանդել գյուղի երեխաներին:

Ասլանը նշել է, որ կցանկանար ՏԻՄ ընտրություններում ավելի ակտիվ տեսնել երկրի կանանց, և  կոչ է արել նրանց` վստահել իրենց ուժերին:

«Ես իմ թեկնածությունն առաջադրեցի, քանի որ վայրը, որտեղ գտնվում եմ, ցանկանում էի ավելի գեղեցկացնել: Բոլոր կանայք թող գիտակցեն, որ կարող են այդպես անել: Ես այստեղ անում եմ ամեն ինչ, ինչ տղամարդիկ ասում են` չես կարող: Այն ամենը, ինչին դիպչում է կինը, գեղեցկանում է: Իրենց որոշ բաներից զրկող, վստահ քայլերիղ խուսափող կանայք պետք է գիտակցեն դա ու լինեն իշխանության կազմում»,- ասել է երիտասարդ թեկնածուն:

Տեսանյութը` այստեղ: