Մնացականյան-Մամեդյարով հաջորդ հանդիպումը կկայանա հունվարին

Դեկտեմբերի 5-ին Միլանում` ԵԱՀԿ նախարարների խորհրդի շրջանակներում, Հայաստանի արտաքին գործերի նախարարի պաշտոնակատար Զոհրաբ Մնացականյանը հանդիպում է ունեցել Ադրբեջանի ԱԳ նախարար Էլմար Մամեդյարովի հետ:

Ադրբեջանի ԱԳՆ ղեկավարը РИА Новости-ի հետ զրույցում ասել է, որ իրենք պայմանավորվել են շարունակել ԱԳՆ ղեկավարների ձևաչափով հանդիպումը` պահպանելով ձևավորված դինամիկան: Ըստ նրա` հանդիպումը  միտված էր  խաղաղության գործընթացի վերաբերյալ միմյանց դիրքորոշումներին ու մոտեցումներին առավել հանգամանալից ծանոթանալուն:

«Կայացել է մտքերի օգտակար փոխանակում: Հերթական հանդիպումը կկայանա հունվարին»,- ասել է Մամեդյարովը:

Նա կայացած բանակցությունները «կարևոր» է որակել: