Մեքսիկան միգրանտներին պետք է հետ ուղարկի. Թրամփ

ԱՄՆ նախագահ Դոնալդ Թրամփը հայտարարել է, որ անհրաժեշտության դեպքում անժամկետ կփակի Մեքսիկայի հետ սահմանը. հայտնում է РИА Новости-ն:

«Մեքսիկան պետք է իրենց երկիրն ուղարկի դրոշներ ծածանող միգրանտներին, որոնցից շատերը սառնասիրտ հանցագործներ են: Արեք դա օդանավերի, ավտոբուսների միջոցով, ցանկացած միջոցով. նրանք չեն մտնի ԱՄՆ: Մենք անժամկետ կփակենք սահմանը, եթե պահանջվի: Կոնգրե'ս, ֆինանսավորիր պատի կառուցումը»,- գրել է նա իր թվիթերյան էջում:

Ավելի վաղ հայտնել ենք, որ այսօր Մեքսիկայում գտնվող` Հոնդուրասից, Գվատեմալայից և Սալվադորից անօրինական ներգաղթյալներից առնվազն 500-ը փորձել են հատել ամերիկյան սահմանը: