Այսօր խիստ անհրաժեշտ է ձևավորել ազգային բևեռ. Արա Հակոբյան

ՀՅԴ համապետական ցուցակի թիվ 13րդ հորիզոնականը զբաբեցնող  «Ազգային օրակարգ» հիմնադրամի համահիմնադիր,  հիմնադրամի հոգեբարձուների խորհրդի նախագահ Արա Հակոբյանը «Երկիր մեդիա» հեռուստաընկերությանը տված հարցազրույցում խոսելով  քաղաքական գործունեության , մասնավորապես` ՀՅԴ-ի հետ համագործակցելու դրդապատճառների մասին, ասաց, որ անհրաժեշտություն կա հայկական քաղաքական դաշտում ազգային բևեռ ձևավորելու, որը կունենա ազգային բովանդակություն, ազգային օրակարգ, և որի արդյունքում ի վերջո կարող են կերտել ազգային պետականություն:

«Ազգային պետականության կերտումն է, որը մարդկանց մոտ կփոխի մտածելակերպը, որ  պետք է ոչ թե գոյատևել, այլ լիարժեք ապրել: Կարծում եմ, որ այսօր հայկական քաղաքական ներկապնակում Դաշնակցությունն է, որն ունի ներուժ ու պատմություն` առաջնորդելու ազգային բևեռի ձևավորումը»,- ասաց Արա Հակոբյանը:

Նրա համոզմամբ` ազգային բևեռի ձևավորումը մարդկանց մոտ կառաջացնի այն ոգևորությունը, որը հատուկ է հայ ազգին: