«Հեռուստամարաթոն-2018»-ի շրջանակում նվիրատվություն Նոր Ջուղայում և Շահինշահրում

«Հայաստան» համահայկական հիմնադրամի «Հեռուստամարաթոն-2018»-ի շրջանակում, նոյեմբերի 22-ին Նոր Ջուղայի Հայ Դատի հանձնախմբի եւ ՀՅԴ «Ռուբեն» երկիտասարդական միության նախաձեռնությամբ, Նոր Ջուղայի Հ.Մ.Մ. «Արարատ» միության եւ նույն միության Շահինշահրի մասնաճյուղի գրասենյակներում կազմակերպվել էր նվիրահավաք: Տեղեկացնում է alikonline.ir –ի Նոր Ջուղայի թղթակիցը:

Նվիրահավաքին իրենց ակտիվ մասնակցությունն են բերել Սպահանի հայոց թեմի ազգային իշխանությունը, Նոր Ջուղայի Հայ Դատի հանձնախումբը, Նոր Ջուղայի եւ Շահինշահրի հայոց ազգային դպրոցների աշակերտությունն ու ժողովուրդը:

Գոյացած գումարը փոխանցվելու է «Հայաստան» համահայկական հիմնադրամին: