Էրդողանը հրաժարվել է հանդիպել Ֆեդերիկա Մոգերինիի և Յոհաննես Հանի հետ

Եվրոպական դիվանագիտության ղեկավար Ֆեդերիկա Մոգերինին և Եվրոպական հարևանության քաղաքականության և ընդլայնման բանակցությունների հարցերով հանձնակատար Յոհաննես Հանը Թուրքիա-Եվրամիություն բարձր մակարդակի հանդիպումից առաջ մեկնել են Թուրքիա, սակայն չեն հանդիպել երկրի նախագահ Ռեջեփ Թայիփ Էրդողանի հետ:

Ըստ Cumhuriyet-ի` հանդիպման չկայանալու պատճառը ԵՄ-ն չէ: Էրդողանն ինքն է մերժել  Մոգերինիին և Հանին ընդունելու առաջարկը:

Ուշագրավ է, որ մինչ այդ Հանը հայտարարել էր, որ ԵՄ-ն պետք է դադարեցնի Թուրքիայի հետ ԵՄ-ին անդամակցության շուրջ բանակցություններն ու այդ երկրի հետ հարաբերությունների զարգացման այլ ճանապարհ ընտրի: