Արցախում առողջապահության ոլորտում նախատեսվում է աշխատավարձերի բարձրացում

Այս մասին նոյեմբերի 22-ին կայացած ԱՀ Ազգային Ժողովի մշտական հանձնաժողովների համատեղ նիստում նշել է ԱՀ պետնախարար Գրիգորի Մարտիրոսյանը:

«Մի քանի տարի է, ինչ չենք կարողացել պետական բյուջեով աշխատավարձերի բարձրացում նախատեսել: Կառավարության հնարավորություններն այստեղ շատ սահմանափակ էին այն առումով, որ կենսաթոշակային և աշխատավարձերի քաղաքականությունում մենք առաջնորդվում ենք բացարձակապես ՀՀ հետ համահունչ քաղաքականության իրականացման դրդապատճառներով: Այս տարի առողջապահության բնագավառում այդպիսի ավելացում նախատեսվել է և մենք նույնպես լրացուցիչ հնարավորություններ ենք հայթայթել և համապատասխան ֆինանսական միջոցներ նախատեսել, որպեսզի առողջապահության բնագավառում ապահովենք աշխատավարձերի աճ»,- մասնավորապես ասել է Գրիգորի Մարտիրոսյանը՝ հավելելով, որ այդ մասին ավելի մանրամասն կներկայացնի Առողջապահության նախարարը: