Գերիներին ազատելուն ուղղված նախաձեռնությունը կշարունակվի մյուս տարի

Անհայտ կորածների որոնման հարցերով զբաղվող Միջազգային աշխատանքային խումբն անցյալ տարի վերսկսել է իր միջնորդական առաքելությունը` լինելով Երևանում, Բաքվում և Ստեփանակերտում: Այդ մասին ասվում է Միջազգային աշխատանքային խմբի հայտարարությունում. հայտնում է Haqqin.az-ը:

Նրանք հանդպումներ են ունեցել ռազմագերիների հարցերով պետական հանձնաժողովների ներկայացուցիչների, ինչպես նաև Արցախում դատապարտած Ադրբեջանի քաղաքացիների և Բաքվում ձերբակալված ՀՀ քաղաքացիների հետ:

Աշխատանքային խումբը հանդես է եկել նախաձեռնությամբ`  չեզոք գոտում կազմակերպել փորձագետների հանդիպում` գերիներին ազատելու ծրագրերը քննարկելու համար: Այդ հանդիպումը նախատեսվում էր այս տարի, սակայն երկար խորհրդատվություններից հետո հետաձգվել է:

Նշվում է, որ ՄԱԽ-ը կանի ամեն բան, որպեսզի հանդիպումը կայանա մյուս տարի, քանի որ կողմերը պատրաստակամություն են հայտնել շարունակել այդ նախաձեռնությունը: